Taqsima Ċentrali tal-Viża

Viża Nazzjonali (D) għal Provi ta' Atleti Ċittadini ta' Pajjiżi Terzi (TCN) ma' klabbs sportivi reġistrati f'Malta

Data tal-Pubblikazzjoni: 07 ta' Lulju 2025

Verżjoni: 1.0

Għan

Biex jirregola d-dħul u s-soġġorn temporanju ta' ċittadini ta' pajjiżi terzi (TCN) atleti li jidħlu Malta biex jagħmlu provi ma' klabbs sportivi reġistrati lokalment.

Ambitu

Din il-politika tirregola l-ħruġ ta' Viża Nazzjonali għal Soġġorn Twil (D-Viża) valida għal Ċittadini ta' Pajjiżi Terzi (TCNs) li huma mistiedna għal provi sportivi ma' klabbs sportivi reġistrati uffiċjalment f'Malta.

Politika

Kriterji ta’ Eliġibbiltà

L-applikanti jridu jkunu sportivi mistiedna għal provi minn klabb sportiv nazzjonali, reġistrat u awtorizzat kif suppost minn Sports Malta jew Regolatur Sportiv kwalifikat ieħor skont l-isport ipprattikat mill-applikant.
Il-klabb sponsor irid jipprovdi prova ta' reġistrazzjoni, stedina għal prova, id-durata ppjanata u n-natura tal-prova u konferma li f'każ ta' prova b'suċċess l-applikant jingħata kuntratt full-time bħala sportiv mal-klabb.
L-applikant irid ikollu assigurazzjoni tas-saħħa tal-ivvjaġġar valida għat-tul kollu tas-soġġorn, li tkopri r-rekwiżiti kollha tas-saħħa, inkluż l-isptar.
Għandha tiġi pprovduta dikjarazzjoni / stedina ffirmata mill-klabb sponsor.
Għandha tiġi pprovduta prova ta' mezzi finanzjarji suffiċjenti għat-tul kollu u l-ispejjeż tar-ripatrijazzjoni.

Kundizzjonijiet tal-Viża

Il-Viża Nazzjonali tkun valida għal perjodu ta' 100 jum li ma jistax jiġġedded.
L-aċċess għas-suq tax-xogħol Malti għandu jkun ristrett esklussivament għall-attivitajiet direttament relatati mal-isports kif delineat fid-dokumentazzjoni probatorja pprovduta.
Ċittadini ta' Pajjiżi Terzi (TCNs) li jinħarġulhom din il-viża huma projbiti milli jidħlu f'xi attività oħra ta' impjieg f'Malta matul il-validità tal-viża.
Mingħajr preġudizzju għat-taqsima bit-titlu ‘Transizzjoni għal Permess Uniku’, detenturi ta' dan il-viża ma jistgħux japplikaw għal kategoriji oħra ta' viża jew permessi ta' residenza waqt li jkunu preżenti fiżikament f'Malta taħt din l-iskema speċifika tal-viża sportiva.
Mhux permess li wieħed jidħol f'attivitajiet oħra fi ħdan Schengen, ħlief għal żjarat qosra li jikkonformaw mar-regoli ta' Schengen għal soġġorni qosra.

Tranżizzjoni għal Permess Uniku

Jekk il-klabb sponsor, jew klabb ieħor, jixtieq iżomm formalment lill-atleta lil hinn mill-perjodu ta' prova, applikazzjoni għal Permess Uniku għandha tiġi sottomessa mhux aktar tard minn 20 jum kalendarju qabel l-iskadenza tal-viża nazzjonali.
L-applikazzjoni għall-Permess Uniku teħtieġ ukoll li tiġi approvata minn Sports Malta jew minn Regolatur Sportiv kwalifikat ieħor skont l-isport ipprattikat mill-applikant.

Obbligi tal-Ħruġ

Ċittadini ta' Pajjiżi Terzi (TCNs) li ma kisbux permess ta' residenza validu jew awtorizzazzjoni legali oħra biex jgħixu f'Malta huma meħtieġa li joħorġu mit-territorju ta' Schengen immedjatament malli tiskadi l-viża ta' 100 jum.
Nuqqas ta' konformità mal-obbligi ta' ħruġ jikkostitwixxi ksur tal-leġiżlazzjoni tal-UE u nazzjonali u jista' jirriżulta f'sanzjonijiet, inklużi projbizzjonijiet potenzjali milli jerġgħu jidħlu fit-territorju ta' Schengen.

Kundizzjonijiet Oħra