Għalkemm noti dwar testmenti jinħarġu fi ħdan it-Trasferimenti fit-tfittxijiet Normali u ta' Prijorità, klijent jista' jagħżel li jissottometti tfittxija fuq Testmenti biss bil-għan li jiġi stabbilit jekk individwu kienx għamel xi testment jew jekk l-imsemmi testment huwiex irreġistrat mar-Reġistri Pubbliċi ta' Malta u Għawdex. Din it-tfittxija tinvolvi żewġ tariffi standard: €13.85 jekk il-perjodu ta' żmien mitlub jibda qabel l-1972 jew €10.00 jekk il-perjodu ta' żmien jibda mill-1972 'il quddiem.

Il-klijent li jissottometti xi tfittxija huwa mitlub jipprovdi d-dettalji tiegħu, jiġifieri:

• Numru tal-Karta tal-Identità/Passaport;
• Isem;
• Kunjom;
• Numru ta' kuntatt;
• Indirizz elettroniku;
• Indirizz postali.

Segwit mid-dettalji tal-individwu li qed jiġi mfittex:

• Isem u Kunjom;
• Isem u kunjom il-konjuġi;
• Isem u kunjom il-missier tal-persuna li qed tiġi mfittxija;
• Isem u kunjom l-omm tal-persuna li qed tiġi mfittxija;
• Post tat-twelid.

Fil-każ ta' tfittxija fuq ditta/kumpanija, il-klijent huwa mitlub jipprovdi:

• Isem tal-kumpanija;
• Numru ta' reġistrazzjoni tal-kumpanija.

Ladarba t-talba tiġi proċessata, jiġi stampat dokument li jkun fih id-dettalji tal-klijent u l-parametri kollha tal-ordni tat-tfittxija. Dan tal-aħħar jiġi mehmuż ma’ tieni dokument li jkun fih id-dikjarazzjoni ta’ ċaħda ta’ responsabbiltà tal-ordni tat-tfittxija bil-Malti u bl-Ingliż.

Huwa meħtieġ depożitu li jinkludi l-miżata kollha. It-Tfittxijiet ta' Testmenti jiġu ppubblikati wara l-ħruġ.