It-taqsima tar-Reġistru taż-Żwiġijiet tirċievi talbiet għall-pubblikazzjoni tal-bandi għal żwiġijiet u unjonijiet ċivili li jsiru f'Malta. It-taqsima tar-Reġistru taż-Żwiġijiet hija responsabbli kemm għaż-żwiġijiet reliġjużi kif ukoll għal dawk ċivili.

Rekwiżiti:

Koppji huma mitluba jibbukkjaw appuntament ma' uffiċjal tar-Reġistru taż-Żwiġijiet billi jikklikkjaw fuq il-Link li ġejja jew billi jibagħtu email lil pubreg.marriage.identita@gov.mt mill-inqas tliet (3) xhur qabel id-data taż-żwieġ tagħhom. L-email trid tinkludi numru tat-telefon fejn il-koppja tista' tiġi kkuntattjata.

L-Artikolu 15(1) tal-Att dwar iż-Żwieġ (Kap 255 tal-Liġijiet ta' Malta) jiddikjara li; ‘Żwieġ ċivili għandu jiġi kkuntrattat fil-preżenza tar-Reġistratur, jew ta’ uffiċjal tar-Reġistru taż-Żwiġijiet awtorizzat mir-Reġistratur biex joffiċja żwiġijiet, u tax-xhieda meħtieġa minn dan l-Att.’.

Struttura tal-Ħlasijiet

Il-Ħlasijiet Applikabbli huma:

Ħlasijiet għaż-Żwieġ Ċivili

Fir-Reġistru taż-Żwiġijiet:

Iż-żewġ konjuġi jirrisjedu Malta - €25.65

Konjuġi Wieħed Jgħix Barra minn Malta - €51.30

Iż-żewġ konjuġi jirrisjedu barra minn Malta - €76.95

Barra r-Reġistru taż-Żwiġijiet:

Iż-żewġ konjuġi jirrisjedu Malta - €51.30

Konjuġi Wieħed Jgħix Barra minn Malta - €76.95

Iż-żewġ konjuġi jirrisjedu barra minn Malta - €102.60

Ħlasijiet għaż-Żwieġ Reliġjuż

Iż-żewġ konjuġi jirrisjedu Malta - €25.65

Konjuġi Wieħed Jgħix Barra minn Malta - €51.30

Iż-żewġ konjuġi jirrisjedu barra minn Malta - €51.30