Ħarsa Ġenerali

Ċittadini tal-UE li jixtiequ jgħixu f'Malta għal aktar minn tliet (3) xhur, u li huma jew involuti f'impjieg, iridu jirreġistraw il-preżenza tagħhom f'Malta u jistgħu jagħmlu dan, sakemm jipprovdu ċerti dokumenti li jikkonfermaw tali eliġibbiltà.

X'se tikseb

Dokument ta' residenza.

Eliġibbiltà

L-applikant irid jipprova li huwa/hija impjegat/a ma' min iħaddem reġistrat f'Malta, jew alternattivament li huwa/hija jaħdem/taħdem għal rasu/rasha. Huwa imperattiv li ċ-ċittadin tal-UE jikkonforma u jaderixxi mal-leġiżlazzjoni rilevanti dwar l-impjiegi. Il-persuni kollha impjegati u dawk li jaħdmu għal rashom huma obbligati jħallsu kontribuzzjonijiet soċjali u taxxa fuq id-dħul tagħhom.

Dokumenti meħtieġa

• Kun żgur li r-reġistrazzjoni tiegħek ma' Jobsplus Unit hija attiva taħt impjieg kontinwu
• L-applikanti għandhom japplikaw permezz tal- Portal tal-Unità tal-Espatrijati taħt bażi ta' Impjieg
• Jekk diġà għandek karta ta' residenza Maltija uża l-istess numru ta' reġistrazzjoni (dak li jispiċċa bl-ittra A)
• Kopja ta' dokument ta' identifikazzjoni barrani validu (kopja minn quddiem u minn wara) jew Passaport (paġna tad-dejta bijografika biss)
• Kopja ta' kuntratt tax-xogħol, jekk ilu aktar minn 6 xhur tella' payslip riċenti jew l-istorja tal-impjieg ta' Jobsplus.
• Formola ta' Applikazzjoni A ffirmata b'firma b'linka mxarrba jew Firem Elettroniċi Avvanzati (AES) jew Firem Elettroniċi Kwalifikati (QES)
• Formola tal-GDPR iffirmata b'firma b'linka mxarrba jew Firem Elettroniċi Avvanzati (AES) jew Firem Elettroniċi Kwalifikati (QES)

Nota: Kwalunkwe dokument irid ikun bl-Ingliż jew bil-Malti, inkella jrid jiġi tradott uffiċjalment għall-Ingliż jew għall-Malti minn traduttur verifikat.

Jekk jogħġbok innota li l-applikanti li għandhom karta ta' residenza valida jew skaduta għandhom jirritornaw il-karta ta' residenza tagħhom mal-appuntament bijometriku. Jekk il-karta ta' residenza tiegħek tintilef, jeħtieġ li jiġi ppreżentat Rapport tal-Pulizija dwar it-Tilfif maħruġ hawn f'Malta mal-appuntament.

Kronoloġija

Il-proċess kollu jieħu madwar 30 jum tax-xogħol.