Ħarsa ġenerali

Ċittadini tal-UE li jixtiequ jgħixu f'Malta għal aktar minn tliet (3) xhur, u li huma persuni eżentati jridu jirreġistraw il-preżenza tagħhom f'Malta u jistgħu jagħmlu dan, sakemm jipprovdu ċerti dokumenti li jikkonfermaw tali eliġibbiltà.

Dak li se tikseb

Ċertifikat ta' reġistrazzjoni/Dokument ta' residenza.

Eliġibilità

L-applikant irid jagħti prova li huwa jew il-konjuġi, li qed jgħix maċ-ċittadin Malti, jew it-tifel/tifla (taħt l-età ta' wieħed u għoxrin (21)) ta' ċittadin Malti.

Kif tapplika

L-applikanti jistgħu japplikaw permezz tal- Portal tal-Unità tal-Espatrijati .

Dokumenti meħtieġa

Konjuġi ta' ċittadin Malti:

• Kopja tal-passaport validu tal-applikant (paġna tal-Bijografija biss);
• Kopja tal-paġna tal-bijografija tal-passaport taċ-ċittadin Malti;
• Kopja tal-karta tal-identità taċ-ċittadin Malti;
• Kopja tad-dokument ta' residenza tal-konjuġi jekk applikabbli;
• Kopja taċ-Ċertifikat tad-Divorzju jekk il-konjuġi kellu żwieġ preċedenti;
• Ċertifikat tat-twelid tal-konjuġi apostillat jekk ma jkunx maħruġ f'pajjiż tal-UE;
• Kopja taċ-Ċertifikat taż-Żwieġ (irreġistrat f'Malta);
• Formola ta' Applikazzjoni E;
• Formola tal-GDPR.

Tifel/tifla ta’ Ċittadin Malti taħt l-età ta’ 21 sena:

• Kopja tal-paġna tal-bijografija tal-passaport taċ-ċittadin Malti;
• Kopja tal-karta tal-identità taċ-ċittadin Malti;
• Kopja tad-dokument ta' residenza tal-ġenitur barrani u tat-tifel/tifla jekk applikabbli;
• Kopja taċ-Ċertifikat tat-Twelid tat-tifel/tifla u apostillata f'każ li ma jkunx maħruġ minn pajjiż tal-UE;
• Prova ta' kustodja;
• Formola ta' Applikazzjoni E;
• Formola tal-GDPR.

Armla ta’ Ċittadin Malti:

• Kopja taċ-Ċertifikat taż-Żwieġ irreġistrat f'Malta;
• Kopja taċ-Ċertifikat tal-Mewt taċ-ċittadin Malti;
• Formola ta' Applikazzjoni E;
• Formola tal-GDPR.

Fil-każ ta’ tiġdid, iċ-ċittadin tal-UE jkollu jipprovdi d-dokumenti li ġejjin:

Konjuġi ta' ċittadin Malti

• Oriġinali u kopja tal-paġna tal-Bijografija tal-passaport validu tal-applikant;
• Kopja tal-karta tal-identità taċ-ċittadin Malti;
• Oriġinali u kopja tal-karta ta' residenza preċedenti tal-applikant;
• Ittra dwar il-Libertà tal-Moviment/Status ta' Persuna Eżentata maħruġa minn Identità;
• Formola ta' Applikazzjoni E;
• Formola tal-GDPR.

Tfal taċ-ċittadin Malti

• Kopja tal-paġna tal-Bijografija tal-passaport validu tal-applikant u tal-passaport taċ-ċittadin Malti;
• Kopja tal-karta tal-identità taċ-ċittadin Malti;
• Kopja tal-karta ta' residenza preċedenti tal-applikant;
• Prova ta' kustodja;
• Formola ta' Applikazzjoni E;
• Formola tal-GDPR.

Nota: Kwalunkwe dokument ipprovdut b'lingwa oħra jrid jiġi tradott uffiċjalment għall-Ingliż jew għall-Malti.

Kronoloġija

Il-proċess kollu jieħu madwar 30 jum ta' xogħol.

Kuntatt

Indirizz: Sezzjoni tal-UE - Unità tal-Espatrijati,

Identità,

Triq Il-Wied,

L-Imsida, MSD 9020

Malta.

Telefon: +356 2590 4800

Indirizz elettroniku: eu.identita@gov.mt