Il-permessi ta' residenza jinħarġu lil Ċittadini ta' Pajjiżi Terzi għall-fini ta' studju, riċerka, taħriġ u servizz volontarju (fil-proġett ta' mobilità għaż-żgħażagħ) skont id-dispożizzjonijiet tal-Leġiżlazzjoni Sussidjarja 217.22.

Studenti

L-istudenti jridu jissottomettu l-applikazzjoni tagħhom online, permezz tal-Portal tat-Taqsima tal-Espatrijati 

Dawn ir-regolamenti japplikaw għal ċittadini ta' pajjiżi terzi aċċettati minn istituzzjoni liċenzjata mill-Kummissjoni Nazzjonali għall-Edukazzjoni Għolja biex isegwu kors ta' studju full-time li jwassal għal kwalifika ta' edukazzjoni għolja. Il-kwalifika trid tiġi rikonoxxuta miċ-Ċentru Malti għal Rikonoxximent ta' Kwalifiki u ta' Informazzjoni f'livell 5 tal-MQF.

Il-korsijiet jistgħu jinkludu wkoll programm preparatorju li jwassal għall-kwalifika ta' edukazzjoni għolja. Ċittadini ta' Pajjiżi Terzi li huma eżenti mill-viża għandhom jissottomettu l-applikazzjoni tagħhom għal permess ta' residenza fi żmien tliet xhur mid-data tad-dħul tagħhom fit-territorju tal-Unjoni Ewropea. Ċittadini oħra mhux Ewropej li jeħtieġu viża biex jivvjaġġaw lejn iż-Żona Schengen għandu jkollhom viża maħruġa għal skopijiet ta' edukazzjoni. L-applikazzjonijiet g[andhom jintbag[tu mill-applikant personalment waqt li jkunu Malta.

Il-permessi ta' residenza jingħataw ukoll għall-fini ta' studju kull meta l-livell tal-kors jaqa' taħt il-livelli speċifikati fil-Leġiżlazzjoni Sussidjarja 217.22.

Tariffi applikabbli għal Studju, Riċerkaturi, Applikazzjonijiet ta' Taħriġ: €50

Il-voluntiera huma bla ħlas.

Id-dokumenti tal-ivvjaġġar sottomessi mal-applikazzjonijiet irid ikollhom validità minima ta' 8 xhur fil-ħin tas-sottomissjoni.