Ċittadini ta' pajjiżi terzi li jattendu korsijiet ta' tul ta' żmien li ma jaqbiżx id-90 jum għandhom jingħataw Viża Schengen għal Soġġorn Qasir (C-Visa).

L-applikant irid jippreżenta l-applikazzjoni tiegħu/tagħha f'wieħed mill-punti ta' sottomissjoni indikati hawn taħt fejn l-applikant jirrisjedi jew ikun preżenti legalment flimkien mad-dokumenti ta' sostenn:

• Direttament f'waħda mill-missjonijiet jew postijiet konsulari ta' Malta;
• Fil-bini ta' Stat Membru ieħor li jirrappreżenta lil Malta, jew;
• Fil-bini ta' Fornitur ta' Servizz Estern awtorizzat.

Flimkien mal-applikazzjoni tiegħu/tagħha, l-applikant huwa meħtieġ jissottometti d-dejta bijometrika tiegħu/tagħha.
Jekk tiġi approvata, il-viża tingħata abbażi ta' viża b'dħul multiplu għat-tul tal-kors kollu, flimkien ma' perjodu ta' grazzja ta' 7 ijiem, bil-kundizzjoni li l-ammont totali ma jaqbiżx id-90 jum.

Il-proċedura ta' hawn fuq mhijiex applikabbli għall-istudenti li huma elenkati bħala ċittadini eżenti mill-viża.