Studenti li ma jikkwalifikawx skont id-dispożizzjonijiet tal-Leġiżlazzjoni Sussidjarja 217.22, u qed isegwu korsijiet li jaqbżu d-90 jum, jistgħu jibdew jaħdmu f'Malta. L-aċċess għall-impjieg jista' jingħata soġġett għall-kundizzjonijiet imposti minn Jobsplus, inklużi dawk is-setturi fejn dawn l-istudenti jitħallew jaħdmu. L-istudenti se jitħallew jaħdmu biss massimu ta' 20 siegħa fil-ġimgħa wara l-ewwel tliet (3) xhur ta' studju tagħhom f'Malta. Dawn id-dispożizzjonijiet huma soġġetti għal bidla minn żmien għal żmien skont id-diskrezzjoni tal-Ministeru responsabbli għal Jobsplus.

TCNs li jsegwu kors full-time li jwassal għal kwalifika ta' edukazzjoni għolja rikonoxxuta mill-MQRIC jistgħu jibdew impjieg għal perjodu massimu ta' 20 siegħa fil-ġimgħa, li jibda mill-ewwel sena ta' studju tagħhom. F'dawn il-każijiet, l-istudent jista' japplika għal permess tax-xogħol mal-ħruġ ta' permess ta' residenza, li jinkludi referenza speċifika għal L.S. 217.22. Ta' min jinnota wkoll li applikazzjoni għal permess ta' xogħol tiġi kkunsidrata aktar favorevoli jekk l-offerta ta' impjieg tkun relatata mal-qasam ta' studji magħżul mill-istudent.