L-applikazzjonijiet għal viża jistgħu jiġu ppreżentati, eżaminati u deċiżi biss mill-Konsulat li fil-ġurisdizzjoni tiegħu l-applikant jirrisjedi legalment. Applikazzjoni għal viża ppreżentata minn ċittadin ta' pajjiż terz, legalment preżenti iżda li ma jirrisjedix fil-ġurisdizzjoni tiegħu, tista' tiġi aċċettata jekk l-Unità Ċentrali tal-Viża tqis li l-ġustifikazzjoni pprovduta mill-applikant dwar is-sottomissjoni ta' applikazzjoni lil Konsulat partikolari ta' Malta, hija kemm koerenti kif ukoll kredibbli.