Introduzzjoni tas-Sistema ta' Dħul u Ħruġ tal-UE (EES)

L-Unjoni Ewropea qed tintroduċi s-Sistema ta’ Dħul u Ħruġ (EES) bħala waħda mill-miżuri meħuda biex jintlaħqu l-objettivi tal-Aġenda Ewropea dwar is-Sigurtà u l-Aġenda Ewropea dwar il-Migrazzjoni biex jinkisbu livelli ogħla ta’ sigurtà madwar l-Unjoni, b’mod partikolari rigward il-ġestjoni tal-fruntieri u l-prevenzjoni tal-kriminalità u t-terroriżmu transkonfinali.

Għal aktar informazzjoni dettaljata dwar is-Sistema ta' Dħul u Ħruġ, ikklikkja hawn .

Impatt fuq id-Detenturi tal-Istatus ta' Benefiċjarju tal-Ftehim dwar il-Ħruġ

Sabiex jitnaqqas l-impatt fuq iċ-ċittadini tar-Renju Unit u l-membri tal-familja tagħhom, li huma benefiċjarji tal-Ftehim dwar il-Ħruġ, il-Kummissjoni Ewropea ppubblikat sett ta’ linji gwida li jistgħu jinstabu hawn .

Dawk iċ-ċittadini tar-Renju Unit u l-membri tal-familja tagħhom, li jista' jkollhom id-dritt għal status ta' benefiċjarju f'Malta, f'konformità mal- Ftehim dwar il-Ħruġ mir-Renju Unit tal-UE , u li għadhom mhumiex fil-pussess ta' Dokument ta' Residenza validu, huma mistiedna jibagħtu l-mistoqsijiet tagħhom bil-miktub lil brexit.identita@gov.mt . Fil-mistoqsija tiegħek, jekk jogħġbok inkludi ismek u kunjomek sħiħ kif jidhru fuq il-passaport, in-numru tal-passaport tiegħek u n-numru tad-dokument ta' residenza tiegħek jekk qatt kellek tali dokument.