Ħarsa Ġenerali

Ċittadini tal-UE li jixtiequ jgħixu f'Malta għal aktar minn tliet (3) xhur, u li huma jew impjegati jew jaħdmu għal rashom, iridu jirreġistraw il-preżenza tagħhom f'Malta u jistgħu jagħmlu dan, bil-kundizzjoni li jipprovdu ċerti dokumenti li jikkonfermaw din l-eliġibbiltà.

X'se tikseb

Dokument ta' residenza.

Eliġibbiltà

L-applikant irid jipprova li huwa/hija impjegat/a ma' min iħaddem reġistrat f'Malta, jew alternattivament li huwa/hija jaħdem/taħdem għal rasu/rasha. Huwa imperattiv li ċ-ċittadin tal-UE jikkonforma u jaderixxi mal-leġiżlazzjoni rilevanti dwar l-impjiegi. Il-persuni kollha impjegati u dawk li jaħdmu għal rashom huma obbligati jħallsu kontribuzzjonijiet soċjali u taxxa fuq id-dħul tagħhom.

Kif tapplika

L-applikanti jistgħu japplikaw permezz tal-Portal tal-Unità tal-Espatrijati.

Dokumenti meħtieġa

Impjieg:

• Oriġinal u kopja tal-passaport/karta tal-identità barranija (paġna tad-dejta bijografika biss);
• Oriġinal u kopja ta' kuntratt tax-xogħol li ma jkunx aktar minn 6 xhur jew storja tal-impjieg minn Jobsplus. Diretturi/Maniġers ta' kumpaniji jridu jipprovdu l-istorja tal-impjieg tagħhom minn Jobsplus;
• Formola ta' Applikazzjoni A;
• Formola tal-GDPR.

Impjegat Indipendenti:

• Oriġinal u kopja tal-passaport/karta tal-identità barranija (paġna tad-dejta bijografika biss);
• Oriġinal u kopja tal-istorja reċenti tal-impjieg minn Jobsplus li turi li inti impjegat għal rasek jew irċevuta ta' konferma reċenti minn Jobsplus li turi li inti impjegat għal rasek;
• Oriġinal u kopja ta' ċertifikat reċenti ta' reġistrazzjoni tal-VAT maħruġ mid-Dipartiment tal-VAT;
• Oriġinal u kopja ta' dokument li juri numru ta' ċertifikat ta' reġistrazzjoni tat-Taxxa riċenti maħruġ mid-Dipartiment tad-Dħul Intern;
• Oriġinal u kopja ta' dokument li juri numru ta' reġistrazzjoni tal-Assikurazzjoni Nazzjonali;
• Formola ta' Applikazzjoni A;
• Formola tal-GDPR.

Nota: Kwalunkwe dokument ipprovdut f'lingwa oħra għandu jiġi tradott uffiċjalment għall-Ingliż jew il-Malti.

Kronoloġija

Il-proċess kollu jieħu madwar 30 jum tax-xogħol.

Kuntatt

Indirizz: Taqsima tal-UE - Unità tal-Espatrijati,

              Identità,

              Triq Il-Wied,

              L-Imsida,
MSD 9020

              Malta.

Telefon: +356 2590 4800

Email: eu.identita@gov.mt