Ir-rotta rapida hija disponibbli għal ċittadini ta' pajjiżi terzi li rċevew offerta ta' xogħol f'Malta għal pożizzjoni maniġerjali jew teknika ħafna, liema pożizzjoni teħtieġ il-kwalifiki rilevanti jew l-esperjenza adegwata applikabbli għax-xogħol.

Il-kriterji tal-eliġibbiltà se jinkludu, fost dokumentazzjoni oħra ppreżentata lill-Identità prova ta':

• salarju gross annwali ta’ mill-inqas €45,000 fis-sena;
• kopji ċċertifikati tal-kwalifiki, warrants jew prova tal-esperjenza tax-xogħol rilevanti.

Il-KEI hija estiża wkoll għall-innovaturi involuti fi proġetti ta' bidu li huma speċifikament approvati mill-Malta Enterprise.

L-applikanti approvati jinħarġu b'permess ta' residenza li jkun validu għal perjodu ta' sena fis-sena inizjali tiegħu. Sussegwentement, dan jista' jiġġedded għal perjodu itwal (sa tliet snin), sakemm l-impjegat jippreżenta:

• kuntratt validu definit jew indefinit, u;
• il-formola oriġinali annwali tad-dikjarazzjoni tat-taxxa ttimbrata mid-Dipartiment tat-Taxxi Interni.
  Il-proċess amministrattiv tal-applikazzjonijiet tal-KEI jsegwi dak tal-Permess Uniku regolari, inkluż il-proċess ta' diliġenza dovuta, madankollu l-proċess huwa mgħaġġel.

L-applikanti eliġibbli taħt l-Inizjattiva tal-Impjegati Ewlenin iridu jippreżentaw prova ta’ reklam wieħed ta’ xogħol għal minimu ta’ ġimagħtejn fi żmien ix-xahrejn ta’ qabel l-applikazzjoni fuq pjattaforma tal-midja lokali xierqa.

Tariffa applikabbli:

• Applikazzjonijiet għall-ewwel darba - €600
• Applikazzjonijiet għal tiġdid €150 fis-sena għat-tul tal-permess (sa tliet snin)