Identità għandha tinnotifika d-deċiżjoni lill-applikant bil-miktub mhux aktar tard minn disgħin jum mid-data li fiha tkun ġiet ippreżentata l-applikazzjoni kompluta.

Fejn l-informazzjoni jew id-dokumentazzjoni mogħtija b'appoġġ għall-applikazzjoni ma tkunx kompluta, l-awtoritajiet kompetenti għandhom jinnotifikaw lill-applikant, f'perjodu ta' żmien raġonevoli, bl-informazzjoni addizzjonali li tkun meħtieġa u jistabbilixxu skadenza raġonevoli għall-għoti tagħha.

Ir-raġunijiet għal deċiżjoni li tirtira l-awtorizzazzjoni għall-fini ta' xogħol staġonali għandhom jingħataw bil-miktub kemm lill-ħaddiem staġonali kif ukoll lil min iħaddem.

Appell mid-deċiżjoni tal-Identità jista' jiġi ppreżentat quddiem il-Bord tal-Appelli dwar l-Immigrazzjoni fi żmien tlett ijiem tax-xogħol mid-data tad-deċiżjoni tal-Aġenzija.