Ċittadini ta' pajjiżi terzi li jixtiequ jgħixu f'Malta bħala ħaddiema staġjonali jistgħu jagħmlu dan skont il-Leġiżlazzjoni Sussidjarja 217.20 Regolamenti dwar il-Kundizzjonijiet ta' Dħul u Soġġorn ta' Ċittadini ta' Pajjiżi Terzi għall-iskop ta' Impjieg bħala Ħaddiema Staġjonali.

Permess ta' residenza maħruġ lil persuni li huma ħaddiema staġjonali jista' jiġi applikat għalih minn ċittadini ta' pajjiżi terzi li jżommu l-post prinċipali ta' residenza tagħhom f'pajjiż terz u joqogħdu legalment u temporanjament f'Malta sabiex iwettqu attività dipendenti fuq il-bidla tal-istaġuni, taħt kuntratt jew aktar ta' xogħol b'terminu fiss konkluż direttament bejn dak iċ-ċittadin ta' pajjiż terz u min iħaddem stabbilit f'Malta.

Jekk tixtieq tapplika għal impjieg bħala ħaddiem staġjonali għal soġġorni li jaqbżu d-disgħin jum, trid tissottometti applikazzjoni ma' Identità fi proċedura ta' applikazzjoni waħda, li tkun approvata minn min iħaddmek.

Inti tkun intitolat li tissottometti applikazzjoni, li għandha tinkludi ħlas ta' €300, fi proċedura ta' applikazzjoni waħda permezz tal-link Single Permit – Artikolu (gov.mt).