Ċittadini mhux tal-UE jeħtieġu permess ta' residenza biex ikunu impjegati f'Malta. L-ewwel pass biex tikkwalifika għall-impjieg huwa li jkollok offerta ta' impjieg mingħand min iħaddem f'Malta.

Permess ta' residenza fuq il-bażi ta' impjieg jinħareġ u jibqa' validu jekk il-kriterji ewlenin li fuqhom kien aċċettat jibqgħu jiġu sodisfatti, jiġifieri, id-deżinjazzjoni speċifika, min iħaddem u t-tul ta' żmien. Din l-informazzjoni hija stampata wkoll fuq il-karta ta' residenza maħruġa u miżmuma miċ-ċittadin ta' pajjiż terz.

Jekk xi wieħed minn dawn il-kriterji jinbidel jew ma jibqax effettiv, id-detentur tal-permess huwa obbligat bil-liġi jinforma lit-Taqsima tal-Espatrijati fi ħdan Identità u jirritorna l-karta tar-residenza immedjatament. Nuqqas li jagħmel dan ikun ksur tal-Att dwar l-Immigrazzjoni (Kap. 217) tal-Liġijiet ta’ Malta u jista’ jkun soġġett għal azzjoni ulterjuri mill-Uffiċjal Prinċipali tal-Immigrazzjoni.

L-impjieg irid ikun f'Malta u ż-żamma ta' permess ta' residenza ma tagħtix lid-detentur id-dritt ta' moviment fi ħdan l-UE f'termini ta' impjieg.

L-aktar tipi komuni ta' permessi ta' residenza relatati mal-impjieg huma:

• Single Permit;
• Impjieg Indipendenti;
• Impjieg ta' inqas minn sitt (6) xhur;
• Karta Blu;
• Persuna Trasferita Intra-Korporattivament.