It-Taqsima tal-Karti tal-Identità – Aġenzija Identità kisbet it-Tikketta tal-Kwalità.

Il-Label tal-Kwalità hija distinzjoni mogħtija lil dipartimenti u entitajiet fi ħdan l-Amministrazzjoni Pubblika, li l-għoti tas-servizz tagħhom lill-klijenti jilħaq dawk l-istandards ta’ servizz definiti permezz tal-4 Pilastri ( il-vuċi u l-fehim tal-klijent, id-disinn u l-implimentazzjoni ta’ politiki u servizzi li jissodisfaw l-aspettattivi tal-klijent, l-għoti ta’ servizz ta’ kwalità u r-responsabbiltà , fejn in-nies isiru parti mill-eċċellenza tas-servizz provdut), il-5 Determinanti tas-Servizz ta’ Kwalità kif definiti mill-mudell ta’ kwalità SERVQUAL (Affidabbiltà, Responsività, Empatija, Assigurazzjoni u Tanġibbli), id-Direttiva 4-2 u kwalunkwe direttiva jew politika oħra li tistabbilixxi standards ta’ kwalità fi ħdan l-Amministrazzjoni Pubblika.

Il-verżjoni bl-Ingliż tal-Karta tas-Servizz ta' Kwalità tal-Unità tal-Karti tal-Identità tista' titniżżel minn hawn , u l-verżjoni bil-Malti tista' titniżżel minn hawn .

Bil-kisba tat-Tikketta ta' Kwalità, l-Unità tal-Karti tal-Identità – Aġenzija Identità qed timpenja ruħha li tiżgura monitoraġġ kontinwu tal-istandards bil-għan li żżomm it-Tikketta ta' Kwalità.

Aktar informazzjoni dwar it-Tikketta tal-Kwalità tista' tiġi aċċessata minn hawn.