Ir-reġistrazzjoni ta' Atti ta' Żwieġ barranin ta' ċittadini Maltin tista' tiġi nnotifikata fl-uffiċċji tar-Reġistru Pubbliku f'Onda Building, Triq Aldo Moro, Marsa, u fir-Reġistru Pubbliku ta' Għawdex, Triq George Borg Olivier, Victoria, Għawdex jew permezz ta' waħda mill-missjonijiet Maltin barra minn Malta.

Proċedura:

Ir-Reġistru Pubbliku huwa meħtieġ li jirreġistra u jirrikonoxxi dokumenti pubbliċi barranin, inklużi, iżda mhux limitati għal, il-każijiet li ġejjin:

1. Dokumenti pubbliċi tal-Unjoni Ewropea m'għandhomx bżonn jiġu apostillati jew legalizzati kompletament bis-saħħa tar-Regolament tal-UE 2016/1191 applikabbli mis-16 ta' Frar 2019.
2. Dokumenti pubbliċi mhux tal-UE jeħtieġ li jkunu jew apostillati jew legalizzati kompletament.
3. Fil-każ ta' oriġinali jew kopji veri ċċertifikati ta' dokumenti pubbliċi, innota li dokumenti sottomessi minn pajjiżi tal-UE u mhux tal-UE jistgħu jkunu jew oriġinali jew kopji veri ċċertifikati. Fil-każ ta' kopji veri ċċertifikati, dawn iridu jkunu maħruġa mill-istess awtorità kompetenti jew Qorti li ħarġet id-dokument oriġinali.

Jistgħu jkunu meħtieġa dokumentazzjoni oħra, skont l-istat ċivili tal-persuna mejta.

Ħlas ta' €2.60 huwa mitlub għal kull Żwieġ irreġistrat fl-uffiċċji tar-Reġistru Pubbliku ta' Malta fil-Marsa jew ir-Reġistru Pubbliku ta' Għawdex, il-Belt Victoria.

Id-dokumenti kollha jinżammu u jiġu ppreservati b’mod indefinit fl-Arkivji tar-Reġistru Pubbliku.

Għal Aktar Informazzjoni dwar iż-Żwiġijiet: LINK

Għal Aktar Informazzjoni dwar l-Unjonijiet Ċivili: LINK

Fil-każijiet kollha, huwa importanti li wieħed jara l-LINK li ġej għal gwida qabel ma jissottometti xi dokumenti pubbliċi barranin għar-reġistrazzjoni.

Persuni li jixtiequ jagħmlu notifika ta' status ċivili fl-uffiċċji tar-Reġistru Pubbliku, il-Marsa, huma mitluba jibbukkjaw appuntament billi jikklikkjaw fuq il-Link li ġejja.