Onlajn: https://pubreg.identita.gov.mt

Bil-posta billi tibgħat email fuq: localnotifications.pubreg.identita@gov.mt għal Malta u localnotificationsgozo.pubreg@gov.mt għal Għawdex.

Żjara fir-Reġistru Pubbliku: In-notifika ta’ twelid tista’ ssir billi żżur l-Uffiċċji tar-Reġistru Pubbliku ta’ Malta fl-Isptar Mater Dei, l-Imsida, jew fil-Bini Onda, Triq Aldo Moro, il-Marsa fil-każ ta’ twelid f’Malta u r-Reġistru Pubbliku ta’ Għawdex, Sular 1, Bini Torri, Triq Fortunato Mizzi, ir-Rabat, jekk it-twelid seħħ f’Għawdex. L-istaff tar-Reġistru Pubbliku se jgħin lill-ġenitur/i biex jimlew il- “Formola ta’ Dikjarazzjoni ta’ Notifika ta’ Twelid” .

Il-ġenitur/i ta' tarbija mwielda f'Malta huwa/huma obbligat li jinnotifika t-twelid fi żmien ħmistax-il (15)-il jum mit-twelid.

Ladarba l-Att tat-Twelid jiġi rreġistrat il-ġenitur/i huwa/huma infurmat/i permezz ta' SMS jew email. Iċ-Ċertifikat tat-Twelid jista' mbagħad jiġi ordnat mis-sit elettroniku tar-Reġistru Pubbliku www.certifikati.gov.mt.

Proċedura:

Id-dokumentazzjoni meħtieġa biex timtela notifika tat-twelid tinkludi ċ-ċertifikat oriġinali " Notifika tat-Twelid ta' Tarbija" maħruġ mill-isptar fejn seħħ it-twelid u d-dokumenti ta' identifikazzjoni tal-ġenitur/i.

Tista' tkun meħtieġa dokumentazzjoni oħra, skont l-istatus ċivili tal-ġenitur/i.
Għandu jitħallas dritt ta' €2.60 għal kull twelid irreġistrat.

Hemm każijiet eċċezzjonali fejn il-proċess tan-notifika tat-twelid ma jistax isir online jew bil-posta. F'każijiet bħal dawn, il-ġenituri jridu jżuru l-Uffiċċji tar-Reġistru Pubbliku fil-Marsa, l-Isptar Mater Dei, l-Imsida, jew ir-Reġistru Pubbliku ta' Għawdex, fir-Rabat Għawdex, jekk it-twelid isir f'Għawdex biex titlesta n-Notifika tat-Twelid.
Ir-Reġistru Pubbliku jeħtieġ dokumenti oriġinali għal skopijiet ta' reġistrazzjoni. Id-dokumenti ppreżentati lir-Reġistru Pubbliku, jinżammu indefinittivament fl-arkivji tiegħu. Dokumenti pubbliċi li mhumiex fil-lingwa Ingliża għandhom jiġu tradotti għall-Malti jew għall-Ingliż. F'każijiet fejn qasam wieħed jew aktar ikunu f'lingwa oħra għajr il-lingwa Ingliża jew Maltija, hija meħtieġa traduzzjoni ta' dawn l-oqsma għall-ipproċessar tad-dokument. Aktar informazzjoni tista' tinkiseb minn din il-LINK - Politika għar-rikonoxximent ta' dokumenti pubbliċi barranin permezz ta' Identità.