Ir-Reġistru Pubbliku ta' Malta fi ħdan Identità ngħata l-Marka tal-Kwalità, rikonoxximent mogħti lil entitajiet tal-amministrazzjoni pubblika li b'mod konsistenti jilħqu l-ogħla standards ta' servizz.

Din id-distinzjoni tirrifletti l-impenn tagħna li nifhmu l-ħtiġijiet tal-klijenti tagħna, niddisinjaw u nwasslu servizzi li jilħqu l-aspettattivi tagħhom, niżguraw kwalità u affidabbiltà f'kull interazzjoni, u nibqgħu responsabbli lejn il-pubbliku li naqdu. Il-Label tal-Kwalità hija bbażata fuq prinċipji stabbiliti, inkluż il-mudell SERVQUAL, li jkejjel is-servizz permezz tal-affidabbiltà, ir-risponsività, l-empatija, l-assigurazzjoni, u l-kwalità tar-riżultati tanġibbli. Issegwi wkoll id-Direttiva 4-2 u politiki oħra li jistabbilixxu standards ta' kwalità fi ħdan l-Amministrazzjoni Pubblika.

Bħala parti minn din il-kisba, ir-Reġistru Pubbliku ta' Malta jimpenja ruħu li jżomm u jtejjeb dawn l-istandards permezz ta' monitoraġġ kontinwu, sabiex il-Marka ta' Kwalità mhux biss tinkiseb iżda tinżamm.

Il-Karta tas-Servizz ta' Kwalità hija disponibbli għat-tniżżil bl-Ingliż u bil-Malti. Aktar informazzjoni dwar il-Quality Label tista' tinstab hawn.